Mari Domingi eta Olentzero iritsi dira

Barañainera iritsi berri dira euskal mitologiako pertsonaiak gure herriko txikien gozamenerako. Lakutik sartu dira Mari Donmingi eta Olentzero, zuziri eta suzko harresien artean. Bertan, lakuko begiratokian, jaso dute Barañaingo txikien lehengo harrera, muxu, besarkada eta abestien artean.

Lakutik Barañain barna sartu dira ehundaka txiki, gazte, guraso eta aiton-amonez babestuta. Kalejira trikitixa, txistulari, pandero eta malabareek animatu dute.