Urtea agurtzeko giro alaian korrika egin dute ia 500 lagunek
Hirugarren San Silvestre lasterketa 12:00etan irten da Udal Plazatik; giro herrikoia nagusi izan da 4 kilometroko ibilbidean.
Urteari agur esateko ordua iristear da, eta Barañainen, besteak beste, korrika egiten agurtu dute gaur. Haur, gazte zein heldu ugarik parte hartu dute gaurko San Silvestre lasterketan. Giro alaian eta herrikoian egin dituzte 4 kilometroko ibilbidea herrian barna. Ohi den bezala, korrikalari askok mozorratuta egin dute ibilbidea, eta festa giroa nagusi izan da goizean. 11:00etatik jendea biltzen hasi da Udal Plazan, asko izena emateko eta beste batzuk giroaz gozatzeko bertaratu dira. Txupinaren eztandarekin, 12:00ak baino zertxobait beranduago hasi dira korrika 470 lagunak; txikiak aurrean eta helduak atzean, irribarrearekin hasi dute guztiek lasterketa.
Hirugarren urtea da Barañaingo BRÑ Korrikalari taldeak antolatzen duela lasterketa, eta urtez urtez lasterketak gero eta arrakasta gehiago izaten duela adierazi dute. «Parte hartzea ona izan da, beste urteak bezala eta dena ongi atera da. Dena den, heldu den urtera begira trafikoko kontuak hobetu nahi ditugu eta txikien integrazioa bultzatu». Era berean, eskerrak eman diete boluntario moduan lan egin duten lagun guztiei eta baita ere Barañaingo Udala eta komertzio laguntzaileei. «Haiek guztiek gabe ez da posible lasterketa aurrera eramatea», azpimarratu dute.
Sariak eta zozketak
Emakumeen kategorian Natalia Mendiluze (15:40) izan da lehenengoa helmuga zeharkatzen; bigarrena Idoia Laparte (17:15) izan da, eta hirugarren iritsi da Uxue Seminario (17:58). Gizonen kategorian, berriz, Mikel Azkonak (12:31) irabazi du lehenengo saria; Aitor Otazu (12:39) bigarren iritsi da eta Alvaro Yaniz (12:40) izan du atzean.
Mozorro onenaren saria jaso du Cristina Plazak, eta Fitnes K emakumeen gimnasioan hilabeteko txartela eskuratu du. Urpekari betaurrekoekin egin du lasterketa Plazak.
Horretaz gain, parte hartzaile guztien artean Errigora saskien zozketa eta Fitnes K gimnasioko bonu bat banatu dituzte. Edu Rizosek, Gorka Olaguek eta Raquel Cemborainek eraman dituzte etxera Erriberako produktuez osatutako saskiak, eta Carla Diez de Ceriok, aldiz, Fitnes K gimnasioko txartela eskuratu du.
Sariak eman ondoren, otamena egon da guztientzat, eta heldu den urtera arte agurtu dira korrikalariak.
Itzulpena > Traducción
Alrededor de 500 personas despiden el año corriendo
470 personas han participado hoy en la popular carrera de San Silvestre de Barañain. En un ambiente festivo y entre disfraces, las corredoras y corredores han despedido el año corriendo los 4 kilometros. Desde las 11 de la mañana se ha ido llenando la Plaza del Ayuntamiento, para que a las 12:00 se lanzará el chupinazo que ha dado comienzo a la carrera. Cientos de personas han acudido a animar y disfrutar del buen ambiente creado.
Es el tercer año que BRÑ (Barañaingo Korrikalari Taldea) organiza la carrera, y han valorado «positivamente» la edición de este año. «El numero de participantes ha sido similar, y la organización buena», destacan. De todas formas, de cara al año que viene, les gustaría ir mejorando cuestiones como «el tráfico y la integración de los más txikis en la carrera». Asimismo, BRÑ ha agradecido a todas aquellas personas voluntarias que hacen posible la realización del evento, así como al Ayuntamiento y comercios colaboradores de esta edición.
En la categoría de chicas Natalia Mendiluze (15:40) ha sido la primera en llegar a la meta, le ha seguido Idoia Laparte (17:15), y tercera ha llegado Uxue Seminario (17:58). En la categoría de chicos Mikel Azkona (12:31) ha traspasado la línea de meta primero. Tras él, ha llegado Aitor Otazu (12:39), seguido de Alvaro Yaniz (12:40).
Además, entre todas y todos las participantes, se han sorteado tres cestas Errigora y un bono del Gimnasio Fitnnes K. Edu Rizos, Gorka Olagüe y Raquel Cemborain se han llevado las cestas con productos de la Ribera a casa, y Carla Díaz de Cerio ha ganado el bono de gimnasio.