Aurrekontu parte hartzaileei begirako mahaingurua astearte honetan

Apirilaren 19an, asteartea, Barañaingo Udalak mahai-ingurua antolatu du 2017ko aurrekontuen harira. Bertan aurrekontuak prestatzeko prozesu parte hartzaileekin harremana duten esperientzia desberdinak kontatuko dira gonbidatu ezberdinen eskutik. Horien artean izanen dira Peio Gastearena Atarrabiako Alkate ohia, Ivan Mendez Eguesibarko zinegotzia, Iñaki Akerreta Nafarroako Gobernuaren partetik eta Andoni Corrales Elkar Consulting kooperatibako kidea. Mahai-ingurua 19:00etan izanen da Udaletxean, erabilera anitzeko aretoan.