Barañaingo jaietan txoznetan kontzertua emateko aukera

Aurten jaietako asteazken egunean Barañaingo musika taldeak lehenengo lerroan jarri nahi dituzte Txozna Batzordetik. Horregatik, kontzertua eman nahi duten taldeen interesa piztu nahi dute Batzordetik. Parte hartzeko maiatzaren 10a baino lehenago, maketa ala grabaketa bat bidali egin behar da, Baranaingokontzertuak@gmail.com helbidera. 

Txozna Batzordetik, egitaraua itxi baino lehen oholtza gainean leku bat izan nahi duen talde orori parte hartzeko aukera eman nahi diote. Horretaz gain, eskaintza zabala eta parekidea egitea da antolatzaileen asmoa eta, beraz, taldeak aukeratzeko estilo aniztasuna zein genero irizpideak kontutan hartuko dira.